Nú á aðventunni verður FEB með í boði þriggja vikna námskeið í Zumba Gold og leikfiminni Sterk og liðug sem byrja þriðjudaginn 2. des. og þeim lýkur fimmtudaginn 18. des.
Nokkur sæti laus.
Skráning fer fram á skrifstofu FEB, í gegnum síma 588 2111 (sími er opinn frá kl. 10:00-14:00 alla virka daga) eða með því að senda tölvupóst á netfangið feb@feb.is
Nánar um námskeiðin:
Zumba Gold (fyrir byrjendur og lengra komna)
Dans og leikfimi sem notar svipaða uppbyggingu og Zumba Fitness, en breytir danssporunum og lækkar hraðann, sem hentar betur dönsurum sem eru 60 ára og eldri. Fólk getur tekið því rólega með Zumba Gold og skemmt sér konunglega í leiðinni. Fólk öðlast betri líkamsstöðu og meiri úthald. Tónlistin er jafn skemmtileg og í Zumba Fitness. Í Zumba Gold hjá Tönyu lærir fólk öll grunnsporin og samhæfingu í dansinum. Fólk lærir Salsa, Merengue, Reggaeton, Cumbia, Disco, magadans, Bollywood, Reggae, Cha-cha-cha og fl. Kerfin henta jafnt konum sem körlum.
Leiðbeinandi: Tanya Svavarsdóttir.
Uppbygging jóla-námskeiðs: Tvisvar sinnum í viku á þriðju- og fimmtud. kl. 9:30-10:30. Fyrsti tíminn er þriðjudaginn 2. des 2025.
Verð: 11.250 kr. fyrir 3 vikur
Sterk og liðug
Námskeið sem Tanya hefur þróað frá grunni og er ætlað dömum og herrum eldri en 60 ára, sem geta ekki lengur stundað hefðbundna líkamsrækt. Allir tímarnir eru sérsniðnir að þörfum þátttakenda. Þeir byrja á léttri upphitun og við tekur einföld leikfimi til að örva blóðrásina. Eftir það eru gerðar léttar rólegar styrkjandi æfingar í því markmiði að rétta úr bakinu, bæta líkamsstöðu og minnka verki í baki, hnjám og mjöðmum. Í tímunum eru notaðir lítlir Pilates boltar, teygjur með handföngum og létt handlóð.
Leiðbeinandi: Tanya Svavarsdóttir.
Uppbygging jóla-námskeiðs: Tvisvar sinnum í viku á þriðju- og fimmtud. kl. 10:45-11:30. Fyrsti tíminn er þriðjudaginn 2. des. 2025.
Verð: 10.500 kr. fyrir 3 vikur
