Félag eldri borgara í Reykjavík og nágrenni

Félagsmenn geta þeir orðið sem náð hafa 60 ára aldri sem og makar þeirra þó yngri séu. Félagsgjaldið fyrir tímabilið 2020/2021 er 4.500 kr. Til að gerast félagi er smellt hér eða sendur tölvupóstur á feb@feb.is. Skrá þarf nafn, kennitölu, heimilisfang, símanúmer og netfang, ef það er fyrir hendi. Þegar félagsgjaldið hefur verið greitt fær viðkomandi sent félagsskírteini og afsláttarbók.

Formaður: Ingibjörg H. Sverrisdóttir
formadur@feb.is

Framkvæmdastjóri: Dýrleif Guðjónsdóttir
Netfang: dyrleif@feb.is

Skrifstofustjóri og umsjón með sal: Jóhanna Ragnarsdóttir
Netfang: johanna@feb.is

Skrifstofa félagsins er í Stangarhyl 4, 110 Reykjavík
Opið mánudaga. – fimmtudaga frá kl. 10:00 – 16:00 og föstudaga 10:00 – 15:00
Símaþjónusta alla virka daga á milli frá kl. 10:00 – 14:00

Sími: 588 2111
feb@feb.is
www.feb.is

Kt. 490486-3999
Vsk-númer: 21865

Félag eldri borgara í Reykjavík og nágrenni er langstærsta félagið innan Landssambands eldri borgara með um 12.500 félagsmenn. Félagið var stofnað 15. mars 1986. Hlutverk þess er að gæta hagsmuna eldri borgara í hvívetna. Rétt til að verða félagsmenn eiga þeir sem hafa náð 60 ára aldri og einnig makar þeirra þótt þeir séu yngri.

Aðalfundur hefur æðsta vald í málefnum félagsins, og skal hann haldinn í febrúar eða mars ár hvert. Stjórn félagsins skal skipuð sjö mönnum og þremur til vara, sem kosnir eru beinni kosningu á aðalfundi. Kjörtímabil stjórnar er tvö ár. Formaður skal kosinn sérstaklega annað hvert ár, en á hverjum aðalfundi skal kjósa þrjá menn til tveggja ára í stjórn. Þrír varamenn skulu kosnir til eins árs. Enginn sitji lengur en fjögur ár samfellt sem aðalmaður í stjórn félagsins. Stjórnin kýs úr hópi aðalmanna varaformann, ritara og gjaldkera.

Sá sem kosinn er formaður getur þó setið fjögur ár í því embætti þrátt fyrir að hann hafi verið í stjórn áður. Núverandi formaður er Ingibjörg H. Sverrisdóttir, .

Blómleg starfsemi er rekin innan félagsins á mörgum sviðum. Hin síðari ár hefur verið lögð mikil áhersla á að gæta réttar eldri borgara og vinna að hagsmunum þeirra gagnvart stjórnvöldum. Margar nefndir og deildir eru starfsræktar sem sinna ýmist hagsmunamálum aldraðra eða félagsstarfi á vegum félagins.

Stjórn FEB 2020-2021

Formaður: Ingibjörg H. Sverrisdóttir
Aðrir stjórnarmenn: Kári Jónasson, Ólafur Örn Ingólfsson, Róbert Bender, Sigurbjörg Gísladóttir, Viðar Eggertsson og Ingibjörg Óskarsdóttir.
Varamenn: Finnur Birgisson, Haukur Arnþórsson og Sverrir Örn Kaaber.

Formenn félagsins frá upphafi:
Snorri Jónsson 1986-1988
Bergsteinn Sigurðarson 1988-1992
Kristján Benediktsson 1992-1995
Páll Gíslason 1995-1998
Ólafur Ólafsson 1998-2005
Margrét Margeirsdóttir 2005-2009
Unnar Stefánsson 2009-2013
Þórunn Sveinbjörnsdóttir 2013-2017
Ellert B Schram frá 2017-2020
Ingibjörg H. Sverrisdóttir frá 2020-