Miðvikudaginn 10. des. kl. 14:00 – 16:00 ætlum við í FEB að gera okkur dagamun og bjóða upp á notalega aðventustund með hugvekju og kórsöng.
Við fáum til okkar í heimsókn rithöfundinn Auði Övu Ólafsdóttur, en gaman er frá því að segja að bókmenntahópur FEB er nú að lesa bók hennar DJ Bambi sem gefin var út árið 2023. Verk Auðar Övu hafa vakið mikla athygli og þau hafa verið þýdd á fjölda tungumála. T.d. vakti skáldsagan Afleggjarinn mikla athygli í Frakklandi á sínum tíma. Auður Ava er margverðlaunaður höfundur og hefur meðal annars hlotið bæði Íslensku bókmenntaverðlaunin og Bókmenntaverðlaun Norðurlandaráðs . Við erum því mjög spennt að fá hana í heimsókn til okkar.
Kór FEB stígur síðan á stokk og syngur fyrir okkur nokkur vel valin jólalög undir stjórn Kristínar Jóhannesdóttur.
Í boði verður rjúkandi heitt súkkulaði og jólakökur.
Hvar: Í Ásgarði, sal FEB í Stangarhyl 4
Tímasetning: Miðvikudaginn 10. des. kl. 14:00 – 16:00
Verð: 3,500 kr.
Bókanir fara fram í gegnum bókunarsíðuna klik.is eða með því að smella HÉR.
Ekki hika við að hafa samband við starfsmenn FEB í síma 588 2111 eða bara koma við á skrifstofunni, ef skráningaleiðin veldur þér vandræðum.
Njóttu með okkur, við hlökkum til að sjá þig
