UtanlaNdsferðir

Hinar einu og sönnu FEB-utanlandsferðir árið 2025

FEB-ferðir ætla að bjóða upp á nokkrar spennandi ferðir til útlanda árið 2025 og til að byrja með er ferðinni heitið til Prag í maí. Einnig hefur verið ákveðið að fara tvær aðventuferðir um mánaðamótin nóv/des til Þýskaland. Aðrar utanlandsferðir eru í vinnslu og upplýsingar um þær koma um leið og þær eru tilbúnar.

MAÍ
Prag (11. til 15 maí 2025)
FEB-ferðir í samvinnu við ferðaskrifstofuna Betri ferðir bjóða upp á fjögurra nátta vorferð til Prag dagana 11. til 15. maí 2025. Boðið verður upp á kynningarfund um ferðina í sal FEB í Stangarhyl 4, fimmtudaginn 13. febrúar kl. 17:00.
Flogið er með Play og gist á Michelangelo Grand Hotel (5*). Prag er einstaklega glæsileg, borg menningar, mennta og lista, borg með mikla sögu og einstaklega fallegar byggingar. Innifalið í verði auk flugs, gistingar með morgunverði og leiðsagnar eru áhugaverðir skoðunarferðir með rútu og gönguferðir, auk tveggja kvöldverða annars vegar kvöldverður á veitingastaðnum „Góða dátanum Svejk“ og sigling á Moldá með kvöldverði.
Fararstjóri: Lilja Hilmarsdóttir hjá Betri ferðum
Verð: 195.800 kr. á mann í tvíbýli en 253.800 kr. fyrir einbýli

NÓVEMBER OG DESEMBER
Heidelberg aðventuferð (nóv. eða des.)
FEB-ferðir í samvinnu við ferðaskrifstofuna Betri ferðir bjóða upp á aðventuferð til Heidelberg í Þýskalandi um mánaðamótin nóv./des 2025. Heimsókn til Heidelberg er eins og að fara inn í ævintýri. Lega borgarinnar er falleg og hæðótt og setur  áin Neckar mikinn svip á borgina.  Þar eru fallegar byggingar frá miðöldum, elsti háskóli landsins og fjörugar stúdentakrár sem lokka og laða að sér ferðamenn.
Nánari upplýsingar um ferðina sjálfa, lengd ferðarinnar, dagsetningu og verð, koma síðar.
Fararstjóri: Lilja Hilmarsdóttir hjá Betri ferðum
Verð: Kemur síðar

Berlín – aðventuferð (nóv. eða des.)
FEB-ferðir í samvinnu við ferðaskrifstofuna Betri ferðir bjóða upp á aðventuferð til Berlínar um mánaðamótin nóv./des. Boðið verður m.a. upp á skoðunarferð um Berlín á áhugaverða og markverða staði og gönguferð á slóðir Stasi og kalda stríðsins sem og helfararinnar og margt annað athyglisvert. Berlín er líka þekkt fyrir sína fallegu jólamarkaði, en fáar borgir eru jafn fallegar í jólafötunum og Berlín. Borgin er skrýdd yndislegu jólaskrauti, ljósum og alls staðar er minnt á komu jólanna.
Nánari upplýsingar um ferðina sjálfa, lengd ferðarinnar, dagsetningu og verð, koma síðar.
Fararstjóri: Lilja Hilmarsdóttir hjá Betri ferðum
Verð: Kemur síðar

Þegar verð er komið fara bókanir fram í gegnum bókunarsíðuna klik.is 

Upplýsingar um skráningar í ferðirnar, ef annað kemur ekki fram hér á síðunni, eru veittar á skrifstofu FEB, í gegnum síma 588 2111 eða með því að senda póst á netfangið feb@feb.is          

Athugið :
Félagið áskilur sér rétt til að fella niður einstakar ferðir vegna veðurs, ónógrar þátttöku eða af öðrum ástæðum.
Verð geta breyst m.v. breyttar forsendur.