UtanlaNdsferðir

Hinar einu og sönnu FEB-utanlandsferðir árið 2026 og vor 2027

FEB-ferðir bjóða upp á spennandi ferðir utanlands árið 2026. Ákveðið hefur verið að fara í hjólaferð til Þýskalands og Austurríki í maí, til Parísar í júní, menningarferð til suður Frakklands í september og  í aðventuferðir til Munchen og Edinborgar um mánaðarmótin nóv./des.
Nú eru einnig komnar í sölu tvær hjólaferðir vorið 2027- sjá nánar neðst á síðu.

MAÍ
Hjólaferð og sigling / Þýskaland – Austurríki / „Fljótandi hótel“
Spennandi nýjung! Ert þú tilbúin/n í ævintýri?
FEB-ferðir í samvinnu við ferðaskrifstofuna Heillandi heim bjóða upp á hjóla- og skemmtisiglingu eftir Dóná með viðkomu á mörgum áhugaverðum stöðum. Um 10 nátta ferð er að ræða sem farin verður dagana 15. til 25. maí 2026.
Upplifðu eina fegurstu hjólaleið Evrópu á einstakan hátt – þar sem hótelið þitt siglir með þér. Þessi ferð sameinar afslappaðar hjólaferðir niður meðfram grænum árbökkum Dónár, heillandi þorp, stórbrotna náttúru og menningarperlur í hjarta Evrópu.
Stutt ferðalýsing:
15. maí – flug með Icelandair Kef – Munchen 07:20 – 13:05. Rúta frá Munchen til Haibach þar sem gist er í eina nótt.
16. maí – njótum dagsins á hótelinu, slökun í heilsulind hótelsins og/eða í gönguferð um nágrennið. Um miðjan dag er lagt af stað um borð í bátinn.
Dagana 17. til 22. maí er siglt og hjólað meðfram Dóná um friðsæl þorp og stórkostlegt landslag, með viðkomu í meðal annars Aschach, Tulln og Linz.
Dvalið er 2 nætur í Vín þar sem í boði er að  hjóla um borgina, heimsækja sögufræga og fallega staði og njóta kaffihúsamenningarinnar.  Frá Vínarborg liggur leiðin um hið töfrandi Wachau-svæði til Melk Abbey, áfram til Grein og Mauthausen, áður en siglt er aftur til Engelhartszell.
23. maí – komið til Engelhartszell og farið frá borði að morgni dags í rútu til Munchen þar sem stoppað verður í 2 nætur áður en flogið er heim aftur.
24. maí – frjáls dagur í Munchen.
25. maí – flug með Icelandair Munchen – Kef 14:05 – 16:00.
Verð: 399.850 kr. á mann miðað við tvo í herbergi, á lower deck og með rafmagnshjóli.
Verð: 435.850 kr. á mann miðað við tvo í herbergi, á upper deck og með rafmagnshjóli.
Aukagjald vegna eins manns herbergis er 69.950 kr.
Erfiðleikastig og kröfur:​
– Tveir af fimm.
– Nauðsynlegt er að þátttakendur hafi reynslu af því að hjóla og hafi aðeins æft sig fyrir ferðina.  Boðið er upp á rafmagnshjól.
Nánari lýsingu á ferðinni er að finna HÉR

JÚNÍ
París  (10. til 14. júní)
FEB-ferðir í samvinnu við ferðaskrifstofuna Betri ferðir bjóða uppá fjögurra nátta ferð til Parísar. Fáar borgir hafa upp á jafn mikið að bjóða eins og París, hin óviðjafnanlega borg ástar og rómantíkur.  Ferð þangað í sól og sumaryl verður öllum ógleymanleg.  Gist á hótelinu des Mines við Luxemburg garðinn í hjarta borgarinnar.  Í boði er ökuferð um borgina í þrjár klukkustundir þar sem allt það markverðasta í miðborginni er skoðað m.a. farið í listmannahverfið fræga Montmartre.  Einnig er létt gönguferð á slóðir Moulin Rouge með sögulegu ívafi, sigling á Signu með kvöldverði og yndislegri tónlist o.fl.
Fararstjóri: Lilja Hilmarsdóttir hjá Betri ferðum.
Verð: 269.000 á mann í tvíbýli en 344.000 í einbýli.
Bókanir fara fram í gegnum bókunarsíðuna klik.is eða með því að smella á París

SEPTEMBER
Einstök ferð um suðurströnd Spánar og Frakklands, með heimsókn til Andorra (13. til 19. sept.)
Uppgötvaðu suðurströnd Spánar og Frakklands í FEB-ferð í samvinnu við ferðaskrifstofuna Heillandi heim. Um er að ræða sjö daga ferð (sex gistinætur) þar sem lögð er áhersla á að njóta umhverfisins, menningar og sögu á rólegan og notalegan hátt. Þetta er ferð fyrir þá sem vilja upplifa hið sanna andrúmsloft Miðjarðarhafsins í góðum félagsskap.
Í ferðinni munum við meðal annars:
• Heimsækja friðlýst og falleg náttúrusvæði
• Rölta um heillandi, gömul fiskimannaþorp
• Kynnast elstu borg Frakklands
• Heimsækja vínbúgarða og smakka afraksturinn
• Skoða hið fræga Dalí-safn
• Sigla um tæplega 300 ára gamlan skipaskurð í Frakklandi
Flogið er til og frá Barcelona og ferðast með þægilegri rútu á milli staða.
Fararstjóri: Guðrún Bergmann.
Verð: 395.450 kr. á mann miðað við tvo í herbergi. Aukagjald vegna eins manns herbergis er 65.050 kr.
Nánari lýsingu á ferðinni er að finna HÉR
Til að bóka sig í ferðina er smellt HÉR

NÓVEMBER  OG  DESEMBER
Munchen aðventuferð (24. til 28. nóv. – fjögurra nátta ferð)
FEB-ferðir í samvinnu við ferðaskrifstofuna Betri ferðir bjóða upp á aðventuferð til Munchen, en enginn ætti að láta slíka ferð fram hjá sér fara. Höfuðborg Bæjaralands með glæsilegum byggingum frá tímum voldugra konunga.  Á þessum tíma er borgin í jólafötunum og jólamarkaðir og skreytingar út um alla borg.  Í fróðlegri ökuferð skoðum við markverðustu byggingar og kennileiti sem og Ólympíuleikvanginn frá 1972 o.fl.  Gönguferð um upphaf Hitlers, sjáum hvar bjórkjallarinn stóð, kynnumst fyrsta banatilræði við hann o.fl.  Borðum á hinu fræga Hofbräu Haus frá 1589.  Förum dagsferð til Salzburg á slóðir Mozart og kvikmyndarinnar Sound of Music. Ógleymanleg ferð.
Fararstjóri: Lilja Hilmarsdóttir hjá Betri ferðum.
Verð: 228.000 á mann í tvíbýli en 283.000 í einbýli.
Bókanir fara fram í gegnum bókunarsíðuna klik.is

Edinborg – aðventuferð (29. nóv. til 3. des. – fjögurra nátta ferð)
FEB-ferðir í samvinnu við ferðaskrifstofuna Betri ferðir bjóða upp á aðventuferð til Edinborgar. Að mati Karls konungs Bretlands er Edinborg fallegasta borg landsins og er það ekki ofsögum sagt.  Borgin er alls staðar  skreytt dásamlegum jólaljósum og hafa Bretar kappkostað síðari ár að gera vel við borgir sínar á aðventunni og hefur Edinborg ekki farið varhluta af því.  Gist á góðu hóteli í miðborginni og í boði er ökuferð um borgina og þar kynnumst við sögu hennar og viðburðum og er það átakamiklar lýsingar. Við förum í gönguferð um frægustu götu Edinborgar Royal Mile og fáum leiðsögn um hús, menn og málefni. Kastalinn stendur við annan enda götunnar og hin tilkomumikla höll Holyrood Palace við hinn endann.  Frægasti íbúi hennar var sjálf María Stúart. Borðum saman á yndislegum stað prýddum jólaljósum og anda liðinnar tiðar. Þá verður farið í hálendisferð m.a. til Trossachs þjóðgarðsins og Loch Lomond, þar sem ríkir einstök náttúrufegurð. Fáum okkur sameiginlega léttan hádegisverð og síðan verður ekið til hins þekkta Stirling kastala.
Fararstjóri: Lilja Hilmarsdóttir hjá Betri ferðum.
Verð: 238.000 á mann í tvíbýli en 307.000 í einbýli.
Bókanir fara fram í gegnum bókunarsíðuna klik.is

Hjól og sigling, vor 2027

Eftir frábæra hjólaferð vorið 2026 endurtökum við leikinn ári síðar! En nú verða tvær mismunandi ferðir í boði:
– Hjól og sigling á Dóná dagana 30. apríl til 9. maí 2027
– Hjól og sigling á Mósel, dagana 15. til 23. maí 2027

Langar þig í einstakt hjólaævintýri þar sem þú nýtur þess að hjóla á daginn og sefur á þægilegu „fljótandi hóteli“ á nóttinni? Þá eru þessar ferðir eitthvað fyrir þig!

APRÍL OG MAÍ 2027

Hjólaferð og sigling – Þýskaland & Austurríki, Dóná – „Fljótandi hótel“ (30. apríl til 9. maí 2027)
FEB-ferðir í samvinnu við ferðaskrifstofuna Heillandi heim bjóða upp á hjóla- og skemmtisiglingu eftir Dóná með viðkomu á mörgum áhugaverðum stöðum. Um 9 nátta ferð er að ræða sem farin verður dagana 30. apríl til 9. maí 2027.
Upplifðu eina fallegustu hjólaleið Evrópu á alveg einstakan hátt. Við hjólum meðfram grænum árbökkum Dónár, njótum stórbrotinnar náttúru, heimsækjum heillandi þorp og kynnumst menningarperlum í hjarta Evrópu – á meðan hótelið okkar siglir með okkur milli áfangastaða.
Stutt ferðalýsing:
30. apríl – Flug með Icelandair: Kef – Munchen 07:20 – 13:05. Rúta frá Munchen til Haibach þar sem gist er í eina nótt.
1.maí – Njótum dagsins á hótelinu, slökun í heilsulind hótelsins og/eða í gönguferð um nágrennið. Lagt af stað frá hótelinu um kl 15:00 til Engelhartszell og farið um borð í bátinn kl 16:00.
Frá 2. – 8. maí er siglt og hjólað meðfram Dóná um friðsæl þorp og stórkostlegt landslag, með viðkomu í meðal annars Aschach, Tulln og Linz. Stoppað er heilan dag í Vín þar sem í boði er að  hjóla um borgina, heimsækja sögufræga og fallega staði og njóta kaffihúsamenningarinnar. Frá Vínarborg liggur leiðin til baka til Engelhartszell um hið töfrandi Wachau-svæði með viðkomu í Melk Abbey, Grein og Mauthausen.
8. maí – Komið til Engelhartszell og farið frá borði að morgni dags (um kl 09:30). Rúta til Munchen þar sem við tekur frjáls dagur það sem eftir lifir dags og síðan gist þar í 1 nótt áður en flogið er heim aftur.
9. maí – flug með Icelandair: Munchen – Kef 14:05 – 16:00.
Hér fara saman hjólreiðar, náttúra, menning, góðir ferðafélagar og þægindi – allt í einni frábærri ferð. 🚲🛳️🌿
Fararstjórar: Harpa Einarsdóttir og Rósa Halldórsdóttir, frá Heillandi heimi.
Verð: 435.850 kr. á mann miðað við tvo í herbergi, á efra þilfari og með rafmagnshjóli.
Erfiðleikastig og kröfur:​
– Tveir af fimm.
–  Nauðsynlegt er að þátttakendur hafi reynslu af því að hjóla og hafi æft sig fyrir ferðina.  Boðið er upp á rafmagnshjól.
Nánari lýsingu á ferðinni er að finna HÉR
Uppseld – hægt er að skrá sig á biðlista HÉR

Hjólaferð og sigling – Þýskaland, Mósel – „Fljótandi hótel“ (15. til 23. maí 2027)
FEB-ferðir í samvinnu við ferðaskrifstofuna Heillandi heim bjóða upp á hjóla- og skemmtisiglingu eftir Mósel með viðkomu á mörgum áhugaverðum stöðum. Um 8 nátta ferð er að ræða sem farin verður dagana 15. til 23. maí 2027
Upplifðu töfra Móseldalsins á einstakan hátt – þar sem hótelið þitt siglir með þér. Þessi ferð sameinar notalegar hjólaferðir meðfram bugðóttri Móselánni, endalausar vínekrur í hlíðum dalsins, heillandi miðaldabæi, glæsilega kastala og einstaka vínmenningu í einum fegursta árdal Evrópu.
Stutt ferðalýsing:
15. maí – Flug með Icelandair: Kef –  Frankfurt kl. 07:20 – 13:00. Rúta frá Frankfurt til Saarburg og farið beint um borð í MS Switzerland. Tekið á móti hópnum með drykk og kvöldverði á skipinu.  
Frá 15. – 22. maí – Siglt og hjólað um einn fegursta árdal Evrópu þar sem Mósel liðast á milli brattra vínhlíða, ævintýralegra kastala og fallegra miðaldabæja. Við byrjum í Saarburg, elstu borg Þýskalands og á leiðinni heimsækjum við meðal annars Trier, hina sögufrægu Bernkastel-Kues, Zell, Cochem og endum í Koblenz þar sem Mósel og Rín mætast. Á hverjum degi hjólum við um stórbrotið landslag, njótum lífsins á notalegum torgum og kynnumst einstakri vínmenningu Móseldalsins, á meðan fljótandi hótelið okkar bíður á næsta áfangastað.
22. maí – Farið frá borði í Koblenz að morgni dags (um kl 09:30).  Dagurinn er frjáls til að skoða þessa fallegu borg. Gist er á Premier Inn hótelinu í Koblenz
23. maí – Rúta frá Koblenz til Frankfurt og flug með Icelandair: Frankfurt – Kef kl. 14:05 – 15:45.
Hér fara saman hjólreiðar, náttúra, menning, góðir ferðafélagar og þægindi – allt í einni frábærri ferð. 🚲🛳️🌿
Fararstjórar: Harpa Einarsdóttir og Rósa Halldórsdóttir, frá Heillandi heimi
Verð: 445.850 kr. á mann miðað við tvo í herbergi, á efra þilfari og með rafmagnshjóli.
Erfiðleikastig og kröfur:​
– Tveir af fimm.
– Nauðsynlegt er að þátttakendur hafi reynslu af því að hjóla og hafi æft sig fyrir ferðina.  Boðið er upp á rafmagnshjól.
Nánari lýsingu á ferðinni er að finna HÉR
Uppseld – hægt er að skrá sig á biðlista HÉR

 

Upplýsingar um skráningar í ferðirnar, ef annað kemur ekki fram hér á síðunni, eru veittar á skrifstofu FEB, í gegnum síma 588 2111 eða með því að senda póst á netfangið feb@feb.is          

Athugið :
Félagið áskilur sér rétt til að fella niður einstakar ferðir vegna veðurs, ónógrar þátttöku eða af öðrum ástæðum.
Verð geta breyst m.v. breyttar forsendur.