Félagsfundur Félags eldri borgara í Reykjavík og nágrenni (FEB) verður haldinn í Stangarhyl 4 föstudaginn 27. janúar nk. kl. 16:00. Á fundinum verða lagðar fram og kynntar tillögur laganefndar að breytingum á lögum FEB, þar sem m.a. er lagt til að fækkað verði í stjórn félagsins úr 11 í 7 manns, auk annarra breytinga.

Leikfélagið Snúður og Snælda stendur fyrir námskeiði í framsögn, leiklestri og tjáningu undir stjórn Bjarna Ingvarssonar. Námskeiðið hefst þriðjudaginn 24. janúar n.k. kl. 17.00 og stendur í 8 skipti.

Skráning er á skrifstofu félagsins í s. 588 2111 eða með tölvupósti Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. .

Námskeiðsgjald er kr. 8.500.-

Nú er félagsstarfið að hefjast að nýju eftir jólafrí.

• Bridds hefst fimmtudaginn 5. janúar kl. 13.00
• Skák hefst þriðjudaginn 3. janúar kl. 13.00
• Göngu Hrólfar ganga á miðvikudaginn 4. janúar kl. 10.00
• Söngvaka hefst miðvikudaginn 4. janúar kl. 14.00
• Félagsvist hefst þriðjudaginn 10. janúar kl. 20.00
• Síðdegisdans hefst miðvikudaginn 11. janúar kl. 14.00
• Bókmenntaklúbbur hefst fimmtudaginn 5. janúar kl. 14.00
• Danskennsla hefst mánudaginn 9. janúar - línudans byrjendur kl. 17.00, línudans framhald kl. 18.00 og samkvæmisdansar kl. 19.00
• Námskeið í Eyrbyggju hefst föstudaginn 20. janúar kl. 13.00 - skráning er hafin á skrifstofu félagsins í síma 588 2111

Félag eldri borgara í Reykjavík og nágrenni sendir félagsmönnum sínum og landsmönnum öllum bestu óskir um gleðileg jól með þakklæti fyrir samskipti og samstarf á árinu sem er að líða. Megi nýja árið færa Íslandi og Íslendingum farsæld og velgengni á sem flestum sviðum lífsins!

Félagið vekur jafnframt athygli á því að skrifstofan að Stangarhyl 4 verður lokuð frá föstudeginum 23. desember 2011 og opnar aftur mánudaginn 2. janúar 2012 kl. 10:00.